Бишкекте сарык оорусу күчөгөнүнө байланыштуу мектепке чейинки билим берүү мекемелеринде карантин жарыяланды

Бишкек шаарында сарык оорусу күчөгөнүнө байланыштуу башталгыч класстар жана мектепке чейинки билим берүү мекемелеринин тарбиялануучуларына карантин жарыяланды. Мындай билдирүүнү бүгүн Бишкек шаардык мэриясы таратты. Маалыматка ылайык, жалпы билим берүү жайынан 233 бала, ал эми мектепке чейинки билим берүү мекемелеринде 84 бала сарык менен ооруганы катталган. Карантин 35 күнгө чейин созулуп, мектептерге сарыктын алдын алуу тууралуу бюллетендер таркатылып берилди.