Түркиянын президенти Режеп Тайип Эрдоган китеп жазды

Түркиянын президенти Режеп Тайип Эрдоган “Адилетүү дүйнө мүмкүн” аттуу китеп жазды. Бул тууралуу чет элдик басылмалар жазып чыгышты.

Маалыматка ылайык, өлкө башчы китебинде дүйнөлүк саясаттын көйгөйлөрүнө, тактап айтканда адилетсиздикке, эл аралык террорчулукка, миграциялык кризиске, дискриминацияга жана кош стандарттарга басым жасайт.

Ошондой эле Эрдоган БУУнун Коопсуздук кеңеши түп-тамырынан бери өзгөрүүлөргө муктаж деп эсептейт. Анын айтымында, Түркиянын максаты кимдики туура болсо ошол күчтүү, ким күчтүү болсо ошонуку туура дегендик эмес сындуу системаны орнотуу керек.

Мындан тышкары өткөн мезгилдин талаптарына ылайык түзүлгөн институттар аркылуу заманбап көйгөйлөрдү чечүү мүмкүн эмес, анын үстүнө бул институттар жаңы көйгөйлөрдү жаратарын кошумчалаган.

“Адилеттүүлүк дүйнөлүк тартипти, дүйнөнүн куткарылышын жана анын бактысын камсыздайт. Адилеттүү дүйнөнүн калыптанышы үчүн ишенимдүүлүк менен үмүттү камсыздаган глобалдуу тартип керек”, - деген Эрдоган.

Белгилей кетсек, англис, араб, немис, француз, орус жана испан тилдерине которулган китептен түшкөн бардык каражат Түркиянын Өзгөчө кырдаалдар башкармалыгына берилет.