Ден соолугунун мүмкүнчүлүгү чектелгендер үчүн 586 жумуш ордун түзүү чечими кабыл алынды

Кыргызстандагы ден соолугунун мүмкүнчүлүгү чектелгендер үчүн 586 жумуш ордун түзүү чечими кабыл алынды. Бул тууралуу Социалдык өнүгүү министрлигинин басма сөз кызматынан бүгүн, 4-ноябрда билдиришти. Жеңилдетүүлөр “Мүмкүнчүлүгү чектелгендердин укуктары жана кепилдиктери” мыйзамын ишке ашыруунун негизинде берилип жатат. Өлкө боюнча Талас облусунда – 112, Ош – 96, Баткен – 94, Жалал-Абад – 85, Чүй – 24, Нарын – 14, Ысык-Көл облусунда 2 жумуш орду бөлүндү. Ош шаарында 84, Бишкек шаарында 75 орун бөлүнгөн. Жумушка 3-топтогу майыптар орношо алат.