Түндүк Кореяда өзгөчөлүк: Эгемендүүлүк күнүндө противогаз кийип алып баскан аскерлер, жаңы техникалар (фото)

Түндүк Кореяда эгемендүүлүгүнүн 73 жылдыгына карата аскердик парад болуп өттү. Бул тууралуу сүрөттөр социалдык тармактарга тарады.

Кытай басылмалары коронавирус менен күрөшүүнүн символу катары кызгылт сары түстөгү аскердик форма кийген аскерлердин сүрөттөрүн, ошондой эле Пхеньяндын Ким Ир Сен аянтында мылтыкчан жана бир нече ракета учуруучу аскерлердин жүрүшүн жарыялаган.

Аскердик парадга өлкө лидери Ким Чен Ын да катышкан. Бирок ал сөз сүйлөөдөн баш тарткан.

Параддан соң бийлик өкүлдөрүнүн жана келген коноктордун катышуусунда майрамдык кече болуп өткөн.