Өзбек жараны Кыргыз өлкөсүнүн чек арасын мыйзамсыз кесип өттү деп шектелүүдө

Өзбек жараны Кыргыз өлкөсүнүн чек арасын мыйзамсыз кесип өтүүгө шектелип кармалды. Бул тууралуу Октябрь РИИБинин басма сөз кызматынан билдиришти.

Маалыматка ылайык, август айынын башында Бишкек шаарынын Октябрь РИИБине Өзбекстан Республикасынын жараны 1986-жылы туулган Ж.О.нун мамлекеттик чек арадан мыйзамсыз өткөнү тууралуу маалымат келип түшкөн. Бул факты Октябрь РИИБине каттоого алынып, Кылмыш жана жаза кодексинин 358-беренеси ("мамлекеттик чек араны мыйзамсыз кесип өтүү") боюнча сотко чейинки өндүрүш башталган.

9-сентябрда "Мигрант" жана "Транзит" деген аталыштагы профилактикалык иш-чараларды жүргүзүү учурунда, Октябрь РИИБинин Экстремизмге жана мыйзамсыз миграцияга каршы күрөшүү кызматынын оперативдүү кызматкерлери ижарага алынган батирлердин биринен Өзбекстан Республикасынын жараны Ж.О.ну кармашкан. Шектүү убактылуу кармоочу жайга киргизилип, учурда сотко чейинки тергөө иштери улантылууда.