Быйыл 159 миңге чукул окуучу 1-класска барат

Бүгүн, 13-сентябрда жаңы окуу жылына даярдыктар жана эпидемиологиялык абал боюнча маалымат жыйын өттү.

Жыйында билим берүү министринин орун басары Надира Жусупбекова быйылкы окуу жылында 1-класска 159 миңге чукул окуучу барарын айтты.

"Быйыл өлкө боюнча 159 миңге чукул окуучу 1-класска барат. Бишкек шаарында 1-класска 16 миң 863 окуучу катталды.

Бул цифра дагы өзгөрүшү мүмкүн. 15-сентябрдан кийин так цифраны беребиз", - деп билдирди министрдин орун басары.