БШКга бир мандаттуу шайлоо округу боюнча дагы бир талапкер арыз берди

Борбордук шайлоо комиссиясына бир мандаттуу шайлоо округу боюнча дагы бир талапкер арыз берди. Бул тууралуу аталган комиссиянын басма сөз кызматынан билдиришти.

Атамша Дурсуновдон парламенттик шайлоодо Ысык-Ата №30 шайлоо округу боюнча өз талапкерлигин көрсөтүү ниети жөнүндө арыз түштү.

Буга чейин Арсланбек Малиевден Жети-Өгүз №34 шайлоо округу боюнча, Акылбек Сариевден №33 Нарын шайлоо округу боюнча өз талапкерлигин көрсөтүү ниети жөнүндө арыз түшкөн.

Талапкерлерди көрсөтүү шайлоо округдарынын тизмеси расмий жарыяланган күндөн башталып, добуш берүү күнүнө чейин 45 календардык күн калганда, тагыраагы 13-октябрда саат 18:00дө аяктайт.