ИИМ: "Аскер кызматын өтөө үчүн жоокерлерди кабыл алуу башталды"

ИИМдин ички аскерлеринде күзгү чакыруу башталды. Бул тууралуу аталган мекеменин басма сөз кызматынан билдиришти.

Маалыматка ылайык, 15-сентябрдан баштап ИИМдин ички аскерлеринин аскер бөлүктөрүндө аскер кызматын өтөө үчүн жоокерлерди кабыл алуу жүзөгө ашырыла баштаган.

"Аскерге жаңыдан чакырылгандар аскер бөлүгүнө келгенге чейин жер-жерлердеги аскер комиссариаттарында тийиштүү комиссиялардан, анын ичинде медициналык кароодон да өтүшкөн. Алар бир ай ичинде “Жаш жоокерлер курсунан” өтүшөт жана ички аскерлеринин катарында кызмат өтөөгө ылайыктуу болгон негизги талаптарды үйрөнүшөт. Бул даярдоо курсу аяктаган соң, ар бир жоокер мекен алдында ак кызмат өтөө боюнча ант берет, андан ары тийиштүү бөлүкчөлөргө бөлүштүрүлөт", - деп жазылат билдирүүдө.