Ош. Шаарда мыкты окуган алдынкы студенттерге мэрдин стипендиясы тапшырылат

14-ноябрда шаардык жаштар иштери боюнча комитети Оштун мэринин убактылуу милдетин аткаруучу Мелис Мырзакматовдун катышуусунда салтанаттуу жыйын өтөт. Жыйындын жүрүшүндө  мамлекеттик кызматтарда, коомдук иштерде активдүү катышкан жашы 28ге чейинки жаш жарандарга шаардык кеңештин, жаштар иштери боюнча комитетинин жана мэриянын Ардак грамоталары тапшырылып, студенттерге стипендиялар берилет. Мындан сырткары кечинде борбордук аянтта чоң программадагы концерт уюштурулуп, жаштар үчүн бий кечеси  өтөт. Эске сала кетсек, аталган иш-чара 10-ноябрь - Бүткүл дүйнөлүк жаштар күнүнө жана 17-ноябрь Студенттер күнүнө карата жарыяланган жумалыктын алкагында өтмөкчү.