Ош шаардык мэриясынын алдында турак-жай маселеси боюнча жаңы департамент түзүлдү

Оштун мэринин убактылуу милдетин аткаруучу  Мелис Мырзакматовдун токтомуна ылайык,  жеке турак-жай куруу, жер пайдалануу жана турак-жай маселелери боюнча департамент түзүлдү.  Жаңы түзүлгөн департаменттин башчысы Абдумиталип Калбековдун айтымында, департаменттин негизги максаты шаардыктардын турак-жай боюнча суроо-талаптарын, кайрылууларын, муктаждыктарын ыкчам чечүү болуп саналат. Жеке турак-жайы жок шаардыктар жаңы ачылган департаментке тийиштүү маалымат алуу үчүн кайрылышса болот. Маалымат катары айта кетсек, аталган  департамент Ош шаардык мэриясынын имаратында жайгашкан.