Пакистандын жараны автоунаасы менен 4 унааны сүзүп кетти

Кечээ, 5-ноябрда Бишкек  шаарынын  Ж.Абдрахманов менен Москва көчөлөрүнүн кесилишинде Хонда  Инспайр үлгүсүндөгү унааны  башкарып келе  жаткан 36 жаштагы  Пакистандын жараны Тойота Камри үлгүсүндөгү унааны  сүзүп алган.  Андан соң  ары  жакта  токтоп  турган Тойота RAW-4, Субару Форестер , Мерседес Бенц-210  үлгүсүндөгү унааларын  да сүзгөн. Натыйжасында  Хонда  Инспайр ,  Тойота RAW-4 унааларынын  айдоочулары баш сөөгүнөн жабыркап ооруканага  жеткирилген.  Бишкек ШИИББнин басма сөз кызматынын  маалыматына караганда,  бардык айдоочулар мас абалында  эмес  болчу. Жол кырсыгынын  себеби жол эрежелеринин сакталбагандыгынан улам келип чыккан.