ЖЫЛНААМА, 24-СЕНТЯБРЬ: "Биринчи мугалим" тасмасында Алтынайдын ролун аткарган актриса Наталья Аринбасарова төрөлгөн

24-сентябрь, 1946-жылы советтик жана орусиялык актриса Наталья Аринбасарова туулган.

Советтик жана орусиялык актриса Наталья Аринбасарова Москва шаарында аскер кызматкеринин үй-бүлөсүндө туулган. 1964-жылы Академиялык хореографиялык училищени аяктаган. Наталья бул окуу жайды бүтөр жылы аны орусиялык режиссёр Андрей Кончаловский Чыңгыз Айтматовдун чыгармасынын негизинде тартыла турган "Биринчи мугалим" тасмасындагы Алтынайдын ролуна тандаган. Кино тартуу убагында режиссёр экөөнүн ортосунда сүйүү тутанган. Ал сүйүүнүн аягы Егор аттуу балалуу болгондон кийин, ажырашуу менен аяктаган. Актриса экинчи ирет биринчи жолдошу Андрейдин досу, сүрөтчү Николай Двигубскийге турмушка чыккан, бирок аны менен да түбөлүк боло алган эмес.