Уурдалган наристенин энеси Улуттук госпиталда оор абалда жатат

Бишкек ШИИБинин басма сөз кызматы бүгүн, 6-ноябрда уурдалган наристе тууралуу  ишти  иликтөө боюнча маалыматтарды берди. 5-ноябрда Бишкек шаардык перинаталдык борбордон наристе уурдалган. Аталган ишти иликтөөнүн жүрүшүндө борбордун кызматкерлери сурак берип, наристенин жоголгонун саат 22:30да байкашканын айтышкан. Өз алдыларынча издеп, жыйынтык чыкпаган соң ички иштер органдарына кайрылышкан. 2013-жылы 10-октябрда маалына жетпей төрөлгөн кыздын энеси 1975-жылы туулган С.А. азыркы тапта Улуттук госпиталда оор абалда жаткандыктан аны менен сүйлөшүүлөр жүргүзүлбөгөн. Кыздын атасы Орусияда экени белгилүү болду. Иликтөө иштерине наристенин атасынын бир тууганы катышууда.