"Жакында министр Шыкмаматов Түштүк Кореяга барып келди. Кандай келишимдерге кол коюлду?" деп сурады депутат

"Жакында инвестиция министри Алмамбет Шыкмаматов Түштүк Кореяга барып келди. Кандай келишимдерге кол коюлду?", - деп бүгүн, 27-сентябрда Жогорку Кеңештин комитет жыйынында депутат Мурадыл Мадеминов инвестиция министринин орун басары Нурадил Баясовдон сурады.

Нурадил Баясовдун айтымында, 3 келишим боюнча меморандумга кол коюлду. "Үч жакшы долбоордун жазында ишке ашарын күтүп жатабыз", - деди ал.

Депутат кол коюлган меморандум министрликтин сайтына жарыяландыбы деп сурады.

"Өзүңүздөр, коомчулук талап койгондой, биз жөн эле маалымат берүүдөн алыспыз. Натыйжаны көрсөткөндөн кийин көрсөтөбүз. Жарым жылдын ичинде натыйжа көрсөтөбүз", - дейт Баясов.