"Талибан" кыймылы Ооганстандагы эркектерге сакалын алууга тыюу салды

Ооганстанды басып алган "Талибан" кыймылы Ооганстандагы Гильменд провициясындагы эркектерге сакалын кыркууга тыюу салды. Бул тууралуу чет элдик маалымат булактары жазды.

Андагы маалыматта, Гильменд провициясындагы чач-тарачтарга кардарларынын сакал-мурутун кыркууга жана музыка коюуга катуу тыюу салынды. Бул талапты аткарбагандар аныкталса, аларга шарият мыйзамдарына ылайык катуу жаза колдонулат жана алардын арызданууга акысы жок.

Кабулдагы чач-тарачтар дагы ушундай эле тыюу салууга туш болушкан. Шаардагы эң чоң чач-тарачтын ээси ага мамлекеттик кызматкермин деген бирөө чалып, америкалыктарды туурабагыла, сакал кыркпагыла деп айтканын билдирген.

Мындан тышкары, башка провинциялардын чач-тарач ээлери расмий айтылбаса дагы кардарлар аз келип калганын, кардарлары талиптер тарабынан кысымга алынбоо үчүн чач-тарачка келүүнү токтотушканын айткан.