Өзбекстанда 15 жаштагы кыз өз атасынан кош бойлуу болуп калды (видео)

Коңшу Өзбекстандын Ташкент облусунун Уртачирчик районунда 15 жаштагы кыз өз атасынан кош бойлуу болуп калды. Бул тууралуу аталган өлкөнүн басылмалары жазды.

Кыздын апасы жергиликтүү YouTube каналдардын бирине берген маегинде күйөөсү кызын эки жылдан бери зордуктап жүргөнүн айткан.

"7-сентябрь күнү саат 13:00 чамасында жумушта түшкү тыныгууда, кызым мага чалып атасы аны зордуктап жүргөнүн айтты. Бирок башында ишенген эмесмин. Ал ошол учурда мектепте болчу. Мен ага үйгө баруусун айтканымда, ал атам мени үйдө өлтүрөт деп жооп берди", - деген жабырлануучунун апасы.

Кыздын айтымында, атасы аны биринчи жолу 13 жашында зордуктаган. Ал азыр кош бойлуу.

Өзбекстандын Башкы прокуратурасы бул факты боюнча кылмыш ишин козгогон. Учурда шектүү камакка алынган.