"Ош" аэропортунун көзөмөл өткөрүү пунктунан чек ара кызматкерлеринин коррупциялык туруктуу каналы аныкталды

“Ош-аэропорту” көзөмөл өткөрүү пунктунан УКМКнын Чек ара кызматынын кызматкерлеринин коррупциялык иштеринин туруктуу каналы аныкталды. Бул тууралуу УКМКнын басма сөз кызматынан билдиришти.

Маалыматка ылайык, УКМК Ош шаары жана Ош облусу боюнча башкы башкармалыгы тарабынан мамлекеттик органдардагы коррупцияны жоюу боюнча жүргүзүлгөн узак мөөнөттүү иш-чаралардын жүрүшүндө “Ош-аэропорт” көзөмөл өткөрүү пунктунан УКМКнын Чек ара кызматынын кызматкерлеринин коррупциялык иштеринин туруктуу каналы аныкталган.

"Тактап айтканда, аталган көзөмөл өткөрүү пунктунун кызмат адамдары кызмат абалынан кыянаттык менен пайдаланып, системалуу түрдө чет элдик жүргүнчүлөрдөн опузалап акча каражатын алып жүрүшкөндүгү аныкталды. Азыркы учурда тергелип жаткан кылмыш ишинин алкагында “Ош-аэропорт” көзөмөлдөп өткөрүү пунктунун УКМКнын Чек ара кызматынын 20 кызматкерлеринин үстүнөн текшерүү иштери жүрүп жатат", - деп жазылат маалыматта.