Коронавирус инфекциясы 5 облустун тургундарынан аныкталды. 99 бейтап оорудан сакайды

Бүгүн, 1-октябрга карата өлкөдө COVID-19 жана пневмония илдети дагы 76 жарандан аныкталды. Республикалык штабдын статистикалык маалыматы боюнча, бир суткада Нарын жана Баткен облустарында илдетти жуктуруп алгандар катталган жок.

Бишкек шаары - 42;
Ош шаары - 1;
Чүй облусу – 20;
Талас облусу - 2;
Ысык-Көл облусу – 8;
Жалал-Абад облусу – 3;
Коронавирус илдети Кыргыз өлкөсүндө катталган күндөн тарта 178 миң 608 жаран жабыркады.

Бир сутка ичинде айыгып чыккандардын саны 99ду түздү. Муну менен республика боюнча инфекциядан айыккандардын жалпы саны 173 миң 305 болду.