"Карылардын тилегин, ден соолугун берсин". 101 жаштагы Суранбай Алиев атанын кыргыз элине берген батасы

Бүгүн, 1-октябрь Карылардын эл аралык күнү. Бул күндү утурлай кандуу согушта өз өмүрүн тобокелге салып, жеңиш туусун желбиретүүгө өз салымын кошкон согуштун ардагери, бир канча медаль, ордендердин ээси Суранбай Алиев атага байланышып, абалын сурап, майрамы менен куттуктадык.

Суранбай ата азыркы учурда 101 жашта. 40 небере, 60 чөбөрө жана 2 кыбырасы бар. Суранбай ата жалпы кыргыз элине ак батасын берип, баарына ден соолук каалады.

"Карылардын тилегин, ден соолугун берсин. Алганы менен тең карысын. Чоңдорубуз, президентибиз, министрлер, акимдерибиз дагы аман болуп, тилектери орундалсын. Жамандык болбосун, заманыбыз тынч болсун", - деп Суранбай ата батасын берди.