Исландияга күтүүсүздөн бороондуу кыш келди

Исландия өлкөсүнө сентябрь айында эле күтүүсүздөн бороондуу кыш келип, өзгөчө кырдаалдар кызматы жетишпей жатат. Бул тууралуу чет элдик басылмалар жазып чыгышты.

Маалыматка ылайык, өзгөчө кырдаалдар кызматына негизинен кар күрткүсүндө калган унааларды куткаруу боюнча чалуулар келүүдө. Ал эми бийик тоолуу аймактарга кар көчкү түшүү коркунучунан улам эскертүү берилди.

Бийлик бул кырдаалдан улам чукул чараларды көрүүдө жана унаа ээлерин тезинен кышкы дөңгөлөк салууга үндөгөн.