Осло-2021: "Изабеков ордунан тура калып...". Айсулуу Тыныбекова япониялык балбанды жеңди

Бүгүн, 4-октябрда Норвегиянын борбору Осло шаарында күрөш боюнча Дүйнө чемпиондугунун үчүнчү күндүк беттештери башталды.

Бул Дүйнө чемпиондугуна 62 килограмм салмакта катышкан Айсулуу Тыныбекова алгачкы жүрүшүн 1/8 финалда баштап, анда япониялык Нонока Озаки аттуу балбан менен кез келип, 6:4 эсебинде жеңишке жетти.

Биринчи бөлүктө башкы машыктыруучу Нурбек Изабеков тынч эле отурган. Биринчи бөлүк 4:0 эсебинде каршылаштын пайдасына аяктагандан кийин, экинчи бөлүктө ордунан тура калып Айсулуу Тыныбековага насаатын айтып жатты.

Муну менен Айсулуу Тыныбекова Дүйнө чемпиондугунун 1/4 финалына чыкты. 1/4 финалда Айсулуу Тыныбекова Беларусь өлкөсүнөн келген Вераника Иванова менен кез келет.

Айсулуу Тыныбекова быйыл жайында Японияда өткөн жайкы Олимпиада оюндарында күмүш медаль тагынган.