Бишкек ЖЭБ, жеринен кабар. Токтогул суу сактагычында суу аз, электр энергия өндүрүүгө ЖЭБ көмөктөшөт

Бишкек ЖЭБи күз-кыш жылытуу мезгилине карата даярдыктары тууралуу тааныштыруу максатында бүгүн, 5-октябрь күнү пресс-тур уюштурду.

ЖЭБдин башкы инженеринин орун басары Нурлан Кулжыгачов ишканага Токтогул суу сактагычындагы суунун аздыгына байланыштуу 2,5 миллиард киловатт электр энергиясын өндүрүп чыгаруу тапшырмасы берилгендигин билдирди.

"Бишкек жылуулук борбору - электр энергия боюнча Кыргыз өлкөсүнүн түндүгүндөгү эң чоң ишкана. Республика боюнча 10-15 пайыз электр энергиясын биз камсыздап беребиз. Быйыл Токтогул суу сактагычындагы суунун аздыгынан улам бизге 2,5 миллиард киловатт электр энергиясын өндүрүп чыгаруу тапшырмасы берилген. Ошого жараша иштерди жүргүзүп жатабыз. Азыркы учурда биздин станция 250 миңдик кубаттуулук менен иштеп жатат. Шаарга дагы ысык суу берилүүсүн камсыз кылып баштадык", - деди инженер.