Аймактар боюнча макроэкономикалык көрсөткүчтөрдү камсыздоо үчүн 8 топ түзүлдү

Аймактар боюнча макроэкономикалык көрсөткүчтөрдү камсыздоо үчүн 8 топ түзүлдү. Бул туурасында кечээ, 6-ноябрда премьер-министр Жантөрө Сатыбалдиев өкмөттүн жыйынында билдирген.  “Мындай  топторду түзүү жылдын  жыйынтыгы  менен  салык жана бажы төлөмдөрүн чогултуу боюнча жакшы макроэкономикалык көрсөткүчтөрдү алуу, андан тышкары күзгү-кышкы даярдыктан жана айыл чарба иштеринен ийгиликтүү өтүү», - деди өкмөт башчы.

   Аймактар  боюнча  түзүлгөн комиссиянын төрагалары :  Чүй облусу боюнча Тайырбек Сарпашев, Жалал-Абад облусу боюнча Темир Сариев, Нарын облусу боюнча Осмонбек Артыкбаев, Ысык-Көл облусу боюнча Жоомарт Оторбаев, Баткен облусу боюнча Токон Мамытов, Ош облусу боюнча Кубатбек Боронов, Талас облусу боюнча Камила Талиева, ал эми  Өкмөт башчы Бишкекти координациялайт.