Осло: Эрназар Акматалиевге жеңилген Евгений Жербаев: "Эрназардын мени көтөрүп чапканы таң калтырды"

Норвегиянын Осло шаарында өтүп жаткан күрөш боюнча Дүйнө чемпиондугунда эркин күрөш боюнча 70 килограмм салмакта коло байгеге ээ болгон орусиялык балбан Евгений Жербаев жарым финалда жеңилип калган кыргыз балбаны Эрназар Акматалиев тууралуу оюн айтты.

"Мен жарым финалдагы атаандашым, кыргыз балбанына таазим кылышым керек. Азыркы мезгилде ага окшогон балбандар аз. Бардыгы убакыт өткөрүп, жөн гана күрөшүп жүрүшөт. Ал эми Эрназар кандай келбесин кармап ыргыта алат. Мына мен ага кабылып, эмне болгонун түшүнбөй калдым. Чынын айтсам, анын бул ыкмасы мени таң калтырды. Андан кийин менин күрөшүм уланган жок, натыйжа берген жок", - деди Жербаев.

Мындан тышкары, ал бул Дүйнө чемпиондугуна алтын үчүн барганын, бул үчүн Инстаграм баракчасын өчүрүп, көп убакыт даярданганын айтты.

Жарым финалдык беттештин биринчи бөлүгүндө Эрназар Акматалиев Евгений Жербаевди жамбаш ыкмасына салып көтөрүп чаап, төрт упай алган.

Евгений Жербаев жарым финалда Эрназар Акматалиевге 7:5 эсебинде жеңилип калган.