"Анализдеринин баары жакшы чыкты". Мирбек Иманбековдун учурдагы абалы белгилүү болду

Түркияга медициналык текшерүүдөн өтүүгө кеткен ырчынын бүгүнкү күндөгү абалы тууралуу сахналашы Мирбек Масалиев социалдык тармактагы баракчасына жазып чыкты.

"Кудайга шүгүр, Мирбек агабыздын анализдеринин баары жакшы чыкты. Буюрса, дарыланып айыгып кетет. Операция болбой турган болду. Ден соолугу чың экен. Баары Кудайдын буйругу менен! Эч ким оорубасын! Жашоо уланат!", - деп жазган ал.

Буга чейин Мирбек Иманбеков катуу ооруп жатканы ырчынын жубайы Бурул айым тарабынан белгилүү болгон. Анда ал жолдошу үчүн дуба кылып коюуну суранган. Кийинчерээк ырчынын өзү менен байланышканыбызда ашказаны ооруп, ооруканага кайрылганы маалым болгон. Ал эми 29-сентябрь күнү Мирбек Иманбеков Түркияга дарылануу үчүн учуп кеткен.