"Лондон-2012" Олимпиадасынын катышуучусу Айсулуу Тыныбекованы сот 2 жылга эркинен ажыратты

Бишкек шаарынын Ленин райондук соту бүгүн Айсулуу Тыныбекова жана Розалия Тилегеновага карата чечим чыгарды. Сот аталган экөөнү Кылмыш кодексинин 234-беренеси (бейбаштык) боюнча күнөөлүү деп таап, Айсулуу Тыныбекованы 3 жылга, Розалия Тилегенованы 2 жылга эркинен ажыратуу чечимин чыгарды. Бирок сот спортчу кыздардын мурун сот жообуна тартылбаганын эске алып, Айсулуу Тыныбекованы 2 жылга, ал эми Розалия Тилегенованы 1 жылга шарттуу түрдө эркинен ажыратты. Эске салсак, Айсулуу Тыныбекова менен Розалия Тилегеновага "17 жаштагы Ясмин Нурдин кызын сабап салышкан" деген айып тагылып, кылмыш иши козголгон. Окуя кыз-келиндер күрөшү боюнча КРнын улуттук курама командасынын мүчөсү Айсулуу Тыныбекованын "Лондон-2012" Олимпиадасына даярдык көрүп жүргөн кезинде Бишкек шаарында болгон.