БШК талапкерлерди жана партияларды парламенттик шайлоого катышуу маселелери боюнча семинарга чакырат

Борбордук шайлоо комиссиясы талапкерлерди жана партияларды парламенттик шайлоого катышуу маселелери боюнча семинарга чакырат. Бул тууралуу аталган комиссиянын сайтына жарыяланды.

Семинар 14-октябрда саат 10:00дө БШКнын имаратында өтөт.

Талапкерлер, талапкерлердин жана саясий партиялардын өкүлдөрү төмөнкү маселелер боюнча маалымат жана кеңеш алышат:

• бирдиктүү шайлоо округу боюнча талапкерлердин тизмесин жана бир мандаттуу шайлоо округдары боюнча талапкерлерди каттоо тартиби;
• талапкерлердин маалыматтарын «е-талапкер» программасына киргизүү тартиби;
• шайлоо фондун түзүү тартиби, шайлоо күрөөсүн төгүү;
• шайлоо фонддоруна акча каражаттарынын түшүшү жана алардын чыгымдалышы тууралуу саясий партиянын каржы отчётторун БШКга берүүсү;
• талапкердин, саясий партиянын шайлоо фондуна түшкөн акча каражаттарын кайтарып берүү тартиби.