Норвегияда белгисиз адам бир нече кишини жаа менен атып салды

Норвегиянын Конгсберг шаарында белгисиз адам жергиликтүү тургундарга кол салып, аларды жаа менен атып өлтүрдү. Бул тууралуу чет элдик басылмалар жазышты.

Маалыматка ылайык, кол салуунун натыйжасында беш киши каза болуп, дагы бир нечеси ооруканага жаткырылган. Кол салган адам колго түшүрүлгөн.

"Кол салган адам кармалды. Биздеги маалыматка таянсак, бул адам жалгыз кылмышка барган. Бир нече адам жаракат алды, 5 адам каза болду", - деп жазылат маалыматта.

Ал эми укук коргоо органдары бул окуяны теракт деп аташкан.