Бильярддын снукер түрү боюнча өлкө чемпиондугун Ызатбек Раатбеков 2-ирет жеңип алды

9-10-ноябрь күндөрү Бишкектеги “Пул&снукер” бильярд клубунда бильярддын снукер түрү боюнча өлкө чемпиондугу жыйынтыкталды. Чемпиондук үчүн түрдүү жаш курактагы 24 кий чебери катышып, мелдештин жыйынтыгында 17 жаштагы Ызатбек Раатбеков 2-ирет чемпион аталды. Ал финалда Бектур Арзыматов менен кез келип, 4:0 эсебинде ишенимдүү жеңишке жетти. Ошентип, 2-орунга  Бектур Арзыматов, ал эми 3-орунга Улукман Карагулов менен Мухамед Каримберди уулу татыды.

Айта кетсек, мелдеш Дене тарбия жана спорт агенттиги тарабынан уюштурулуп, байге фонду 30 миң сомду түздү.