4 күн мурда каналга түшүп кеткен. Бишкекте 35 жаштагы жаран изделүүдө

Бишкекте 35 жаштагы киши каналга түшүп, 4 күндөн бери табыла элек. Бул тууралуу Өзгөчө кырдаалдар министрлигинен кабарлашат.

Белгилүү болгондой, 10-октябрда Ч.Валиханов көчөсүндөгү каналга 1986-жылы туулган С.Т. аттуу эркек киши түшүп кеткен. 13-октябрда жерине Бишкек шаардык Куткаруу кызматынан 5 куткаруучу тартылып издөө иштери жүргүзүлдү, натыйжа болгон жок. Бүгүн, 14-октябрда издөө иштери улантылат.