Ош. Кара-Суу районунда “Алтын күз” жарманкеси өтүүдө

Бүгүн, 11-ноябрда Кара-Суу районунда «Алтын күз» жарманкеси өтүүдө. Мында  район аймагындагы жана коңшу райондордон келген дыйкандар өздөрү эгип өстүргөн түшүмдөрүн арзан баада элге сатыкка коюшууда. Аталган иш-чарага райондук мамлекеттик администрациянын башчысы, аким Тилек Матраимов, өкмөттүн Ош облусу боюнча ыйгарым укуктуу өкүлү Сооронбай Жээнбеков, айыл өкмөт башчылары жана жергиликтүү тургундар катышууда. Ошондой эле кол өнөрчүлөрдүн эмгектери да көргөзмөгө коюлган. Бул тууралуу аталган райондун жетекчилиги кабарлайт.