Толгонай Арзыкеева сүйүктүүсү менен түшкөн сүрөттөрүн өчүрүп, күйөрмандардын талкуусуна жем таштады

Ырчы Толгонай Арзыкеева сүйүктүүсү менен түшкөн сүрөттөрүн өчүрүп, күйөрмандарынын талкуусуна жем таштады.

Социалдык тармактарда ырчынын күйөрмандары сүйүктүүсү менен түшкөн сүрөттөрүн өчүргөнүн жазышып, түрдүү божомолдоп жатышат. Азырынча ырчы мамилеси тууралуу эч нерсе дей элек. Бирок Инстаграмга жаңы видео жүктөп, алдына дагы бүдөмүк ойлорду жараткан пост калтырган.

Анда ырчы акыркы убактарда жан дүйнөсүндө кандайдыр бир баш аламандык болуп жаткандыгын жана "күлгүн түстөгү" көз айнегин чечкендей сезим болгонун жазган. Ошондой эле мунун баары тез чечимдердин натыйжасында болуп, буга өкүнбөй тургандыгын жазган. Арзыкееванын күйөрмандары постту жана видеону анын чач жасалгасынын өзгөргөндүгү менен байланыштырып, комментарий жазышууда.