БШКнын мүчөсү: "Бюллетендерге талапкерлердин тартиби чүчү кулак аркылуу аныкталат"

Бюллетендерге талапкерлердин тартиби чүчү кулак аркылуу аныкталат. Бул тууралуу Борбордук шайлоо комиссиясынын мүчөсү Искандер Гайпкулов билдирди.

"Ал эми партиялардан талапкерлерди партия сунуштаган тизмеге ылайык коёбуз", - дейт ал.

Парламенттик шайлоо 28-ноябрга белгиленди. Шайлоого катышуу үчүн Борбордук шайлоо комиссиясына жалпы 75 партия билдирүү берген.

21 партия шайлоого катышуудан баш тарта тургандыктарын кат жүзүндө билдиришкен. Алар: "Бийлик Элге", "Ар-Намыс", "Аалам", "Ак Бата", "Социалист", "Бирге-Вместе", "Биздин Эл", "Наш Народ", "Афганистандагы согуштун жана башка согуштук конфликттердин ардагерлеринин партиясы”, "Эмгек", “Чоң Казат”, "Либералдык-Прогрессивдүү Партия", "Кыргызстан элдеринин конгресси", "АШАР-Алтан", “Жаратман Эл”, “Элдик Партия”, "Менин Мекеним", "Элдик Партиясы", “Замандаш”, “Ак шумкар”, "Айкөл Кыргызстан", "Кыргызстандын "Баба Дыйкан" фермер-дыйкандарынын партиясы", "Адилет" партиясы.