Орусия полициясы 3 Кыргыз жаранына издөө салды

Орусиянын Самара облусунун ички иштер кызматы 3 Кыргыз жаранына издөө салды. Бул тууралуу аталган ички иштер башкармалыгынын расмий сайтына жарыяланды.

Мамажанов Хожи Хотамжонович 1993-жылы туулган. Ал Орусия Федерациясынын Кылмыш-жаза кодексинин 264-беренесине "администрациялык жазага тартылган же соттолгону бар адамдын мас абалында транспорт каражатын башкаруу" шектелүүдө.

Иброхимжон Маматкадиров 1995-жылы Ош облусунда туулган. Соттук отурумдардан качып жүрөт. Ал "жасалма документтерди, мамлекеттик сыйлыктарды, штамптарды, мөөрлөрдү же бланктарды жасалмалоо, даярдоо же жүгүртүү" беренесине шектелүүдө.

Азимжанов Мухаммадбобур Боходиржонович 1996-жылы Ош облусунда туулган. Соттон качып жүргөнү жазылууда.

Ал "жасалма документтерди, мамлекеттик сыйлыктарды, штамптарды, мөөрлөрдү же бланктарды жасалмалоо, даярдоо же жүгүртүү" беренесине шектелүүдө.