"Бишкек ЖЭБге күч келүүдө". Министрлер кабинетинин төрагасынын орун басары азыркы учурда электр энергиясы ашыкча пайдаланылганын айтты

Электр энергиянын тартыштыгын азайтуу максатында Түркмөнстан, Казакстан, Өзбекстан менен келишимдер түзүлгөн. Бул тууралуу кечээ, 20-октябрда Жогорку Кеңештин жыйынында министрлер кабинетинин төрагасынын орун басары Азиз Аалиев билдирди.

"Азыркы учурда биз 500 миллион киловатт саат электр энергиясын ашыкча пайдаландык. Ошондуктан Бишкек ЖЭБге күч келүүдө. Түркмөнстандан 500 миллион киловатт саат электр энергиясын сатып алабыз. Ал эми энергияны Казакстан менен Өзбекстандан алмашуу жолу аркылуу алабыз", - деди ал.