Ошто жол инспекторун сүзүп кетип из жашырып жүргөн айдоочу кармалды

Ош облусунда жол кыймылынын коопсуздугун камсыздоо кызматынын кызматкерин сүзүп, белгисиз тарапка из жашырган айдоочу кармалды. Бул тууралуу Ош облустук жол кыймылынын коопсуздугун камсыздоо бөлүмүнөн билдиришти.

Маалыматка ылайык, 12-октябрь күнү Бишкек-Ош унаа жолунун 664-чакырымында, тактап айтканда Кара-Суу районунун Фурхат айылында 1988-жылы туулган Б.А. аттуу инспектор кызматтык милдеттин аткарып жаткан убакта Мерседес-Бенц сүзүп, андан ары из жашырган.

Издөө иштеринин жүрүшүндө шектүү катары 21-октябрь күнү Кара-Суу районунун Отуз-Адыр айылынан Мерседес-Бенц унаасы табылган. Унаа убактылуу кармоо жайына киргизилген. Ал эми анын айдоочусу 2004- жылы туулган М.Т. унааны сырдап, урунган жерлерин түздөтүп айдап жүргөн жеринен кармалган.