Садыр Жапаров Өзбекстандын президентин жеңиши менен куттуктады

Өлкө башчы Садыр Жапаров бүгүн, 25-октябрда Өзбекстандын президенти Шавкат Мирзийоев менен телефон аркылуу сүйлөштү. Телефондук сүйлөшүүнүн жүрүшүндө Садыр Жапаров Шавкат Мирзийоевди 24-октябрда өткөн президенттик шайлоодогу ишенимдүү жеңиши менен куттуктап, бекем ден соолук, жооптуу мамлекеттик ишмердүүлүгүнө мындан аркы ийгиликтерди калаады.

Президенттик аппараттын маалымат кызматынан белгилешкендей, Садыр Жапаров өзбек элине тынчтык, бакубаттуулук жана гүлдөп өнүгүү каалады.

Мындан сырткары мамлекет башчылары эки тараптуу күн тартибиндеги актуалдуу маселелерди, эки өлкөнүн ортосундагы мындан аркы кызматташтыктын келечектерин, ошондой эле регионалдык өз ара аракеттенүүнүн маселелерин талкуулашты.