Орус рэпери Алишер Моргенштерн Жеңиш күнү тууралуу айткан сөзү үчүн кечирим сурады

Рэпер Алишер Моргенштерн Жеңиш күнү тууралуу айткан сөзү үчүн коомчулуктан кечирим сурап, анын сөздөрү контексттен бөлүнүп алынганын айтты. Мындай маалымат анын Инстаграм баракчасына жарыяланды.

"Менин Жеңиш күнү тууралуу айткан сөзүмө капа болгондордун баарынан кечирим сурайм. Мен бул майрамдын маанилүүлүгүн басынткан жокмун. "Жеңиш күнүн эч эле түшүнбөйм" деп айтканымды моюнума алам. Ал эми бул сөз контексттен бөлүнүп алынган", - деп жазган ал.

Ошондой эле рэпер эч кимди таарынтууну каалабагандыгын баса белгилеген жана анын айткан сөздөрү бурмаланып коомчулукка жарыяланганын билдирген.

"Мен ардагерлерди сыйлайм жана алар менен сыймыктанам. Менин оюмча, аларга кошумча акча бөлүнүшү керек. Ал эми бул тууралуу айтканым маектешүүгө киргизилген эмес.

Ачык эле айтайын, үлпөт той күнү катуу чарчадым, башым маң болду", - дейт ал.

Белгилей кетсек, буга чейин Моргенштерндин Жеңиш күнүн майрамдоонун кажети жок деген пикиринен улам Орусиянын согуш ардагерлери Тергөө комитетине жана Башкы прокуратурага арыз менен кайрылышканы маалым болгон.