Октябрь айында социалдык төлөмдөр үчүн республикалык бюджеттен 475 миллион 279 миң сом бөлүнгөн

2013-жылдын октябрь айында социалдык төлөмдөр үчүн республикалык бюджеттен 475 миллион 279 миң 700 сом каралган. Бул туурасында Социалдык өнүктүрүү министрлигинин басма сөз кызматы билдирет.

Республикалык бюджеттен бөлүнгөн жалпы сумманын 343 миллион 786 миң 600 сому жөлөк пул үчүн жумшалса, 119 миллион 211 миң 400 сому жеңилдиктер жана компенсацияларга төлөнгөн. Ал эми 12 миллион 281 миң 700 сому кош бойлуулук жана төрөт боюнча жөлөк пулга которулган.