Шавкат Мирзийоев президенттик шайлоодо жеңишке жетти

Өзбекстандагы президенттик шайлоодо Шавкат Мирзийоев жеңишке жетти. Бул тууралуу өзбекстандык басылмалар Борбордук шайлоо комиссиясынын төрагасы Зайниддин Низамходжаевдин маалыматына таянуу менен жазып чыгышты.

Маалыматта жазылгандай, президенттик шайлоодо ал 80,12 пайыз добуш алган.

Ал эми калган талапкерлер төмөнкүдөй добуштарга ээ болушту:

Элдик демократиялык партиясынан талапкер Максуда Варисова - 6,63 пайыз;

Улуттук кайра жаралуу партиясынан талапкер Алишер Кадыров - 5,48 пайыз;

Экологиялык партиядан талапкер Нарзулло Обломуродов - 4,14 пайыз;

"Адилет" партиясынан талапкер Бахром Абдухалимов - 3,39 пайыз.

Эске салсак, Өзбекстанда президенттик шайлоо 24-октябрда болду.