Тоңдо көл жээкте асынып алган 19 жаштагы кыз. Жигити жол кырсыгына кабылып каза болгон

Ысык-Көл облусунун Тоң районундагы көл жээкте асынып алган кыздын жигити андан мурун жол кырсыгынан каза болгон. Бул тууралуу SUPER.KG порталына Ысык-Көл ОИИБинин басма сөз кызматынан билдиришти.

"Кыздын жигити Бишкектен Бөкөнбаевге келе жатып Кант шаарында жол кырсыгына кабылып каза болгон. Анын сөөгү 26-октябрь күнү жерге берилген. Кыз ошол күнү дайынсыз болуп, эртеси көл жээктен асылган абалда табылган. Азырынча териштирүүдө ушул версия айтылып, божомолдонууда", - деп билдиришти басма сөз кызматынан.

26-октябрь күнү Тоң РИИБине арыз менен 1982-жылы туулган жаран кайрылган. Анда 26-октябрь күнү 19 жаштагы кызы Тоң районунун Эшперов айылынан чыгып кетип дайынсыз болуп жатканын билдирген. 19 жаштагы кызды издөө максатында бардык аймактарга багыттамалар берилип, ыкчам иликтөө иш-чаралары башталган. 27-октябрь күнү саат 07:00 чамаларында Тоң РИИБинин нөөмөт бөлүмүнө Тоң айылынын көл жээгинен белгисиз кыздын асылып турган жансыз денеси табылганы боюнча айыл тургуну кабарлаган. Тергөө ыкчам тобу окуя болгон жерге барган учурда, дайынсыз болуп жаткан 19 жаштагы кыз экендиги аныкталып, жансыз денеге кароо жүргүзүлгөн. Анда күч колдонуу белгилери болгон эмес.