Кыргызстан жана Нигерия мамлекеттери 3 спорт түрү боюнча кызматташат

Кыргызстан жана Нигерия мамлекеттери үч спорт түрү боюнча кызматташат. Бул тууралуу бүгүн, 12-ноябрда Бүткүл дүйнөлүк профессионалдык бокс федерациясынын вице-президенти, футбол жана каратэ боюнча да иш алып барып жүргөн нигериялык ишмер Рафаэль Икэдиоби Бишкекте журналисттер менен жолугушууда билдирди. 

Анын сөзү боюнча, бул эки мамлекет спорт тармагында, тагыраак айтканда каратэ-до, футбол жана бокс боюнча кызматташат. Ал учурда Кыргызстанда каратэнин деңгээлин иликтеп жатканын, андан тышкары эки өлкөнүн футбол боюнча курама командалары арасында жолдоштук беттеш өткөрүү планы бар экенин билдирди. Ошондой эле, кыргызстандык тарап бокс жаатында кызматташтыкты азыр да баштаганга даяр. Биздикилер нигериялык мушкерлерди жыл сайын өтүүчү бокс боюнча Кыргызстандын биринчилигине чакырышты.