Александр Крестинин "Дордой" клубунун машыктыруучулук кызматынан кетти

Футбол боюнча башкы машыктыруучу Александр Крестинин "Дордой" клубундагы машыктыруучулук кызматын токтотту. Бул тууралуу өлкөнүн футбол союзунан билдиришти.

Александр Крестинин "Дордой" футбол клубуна машыктыруучулук кызматка 2017-жылы июнь айында дайындалган. Анын жетекчилигинде клуб 4 ирет (2018, 2019, 2020, 2021-жылдары) КПЛде (кыргыз премьер лигасы) чемпион болууга жетишти. Ошондой эле 2 жолу өлкө кубогун (2017, 2018-жылдары) жана 2 ирет (2019, 2021-жылдары) өлкөнүн супер кубогун жеңип алышты.

Машыктыруучу аталган клуб менен 169 беттеш өткөргөн.

Эске салсак, учурда Александр Крестинин улуттук курама команданын башкы машыктыруучусу болуп эсептелет.