Парламентте Курманбек Бакиевдин учагын сатуу сунушу түштү

Бүгүн Жогорку Кеңештин кезектеги жыйынында Абдырахман Маматалиев Курманбек Бакиев үчүн сатылып берилген учакты сатып салууну же "Кыргызстан" авиакомпаниясынын балансына өткөрүп берүүнү сунуштоодо. Жыйында депутаттар Транспорт жана байланыш министрлигинин 2012-жылга карата бюджетин жана 2013-2014-жылга карата бюджеттин божомолун карашкан. Бюджетте министрлик 28,1 миллион сомду "Кыргызстан" авиакомпаниясына King Air-350 учагын тейлегендиги үчүн карызы экендиги жазылган. Мындан улам "Ар-намыс" фракциясынын депутаты көрсөтүлгөн сумма негизсиз жумшаларын айтып, аталган учакты сатып же "Кыргызстан" авиакомпаниясына өткөрүп берүүнү сунуштады. Кошумчалай кетсек, Транспорт жана байланыш министрлиги King Air-350 учагын 2008-жылы Курманбек Бакиев үчүн сатып берген. Учак 12 адамга ылайыкталып, баасы 6,5 миллион долларды түзгөн. Учурда бул учакты президент Алмазбек Атамбаев колдонот.