Оңдоо иштерине байланыштуу Бишкектин айрым жерлеринде электр жарыгы өчүрүлдү

"Түндүк электр" ишканасы билдиргендей, бүгүн оңдоо иштерине байланыштуу Бишкек шаарынын айрым көчөлөрүндө электр жарыгы өчүрүлдү. Маалым болгондой, бул өчүрүү "Бишкек ЖЭБ (ТЭЦ) - Южная-1" аба чубалгыларындагы оңдоо иштерине байланыштуу болду. Буга ылайык, баш калаанын Горький көчөсүнөн Ахунбаев көчөсүнө чейин, Байтик баатыр көчөсүнөн Кара-Дарыя көчөсүнө чейин, ошондой эле Абай, Медеров, Скрябин жана Ош көчөлөрүндө бүгүн кечке чейин жарык болбойт.