"Барселонаны" кошпой". Лионель Месси Чемпиондор Лигасын жеңе ала турган командаларды атады

"ПСЖ" клубунун аргентиналык чабуулчусу Лионель Месси быйыл Чемпиондор Лигасын жеңе ала турган жети команданы атады. Бул тууралуу чет элдик спорттук басылмалар жазып чыгышты.

Маалыматка ылайык, Месси өзүнүн клубун быйыл Чемпиондор Лигасын жеңүүгө негизги талапкерлердин катарына кирет деп эсептейт. Ал ошондой эле "ПСЖ" бул сезондо Чемпиондр Лигасынын кубогуна жалгыз талапкер эмес экенин белгилеген. Месси Чемпиондор Лигасында жети команда азырынча күчтүү.

"Биз негизги талапкерлердин бирибиз, бирок жалгыз эмес. Чемпиондор Лигасында башка клубдар дагы жакшы оюнчулар менен келишим түзүшкөн. Мисалы, "Манчестер Юнайтед", "Манчестер Сити", "Бавария", "Ливерпуль", "Атлетико Мадрид" жана "Челси". Чемпиондор Лигасын жеңе ала турган көптөгөн клубдар бар. Бул өтө оор мелдеш жана аны мыкты команда дайыма эле жеңе бербейт", - деген Месси.

5-августта каталондук клуб 34 жаштагы аргентиналык футболчу менен болгон келишимди Ла Лиганын эрежелеринде жазылган каржылык тоскоолдуктардан улам узартпай турганын жарыялаган.

10-августта чабуулчу "ПСЖ" клубу менен эки жылдык келишимге кол койгон. Бул убакыт аралыгында Месси 8 оюнга катышып, 3 гол киргизди.