Ташполот Балтабаев: "Азыркы өкмөттүн жакшы жери - куру убада берүүлөрдү кыскартып жатканы"

"Жаңы социалдык имараттар курулат деп кепилдик бере албайм. Бирок курулушу 80-90 пайызга жакындап калган имараттарды куруп бүтүрүүгө болот",- деди премьер-министр Жантөрө Сатыбалдиев бүгүн ЖКда депутаттардын суроолоруна жооп берип жатып. Өкмөт башчы өлкө аймагындагы авариялык абалдагы мектеп, фельдшердик-акушердик пункттар жана ооруканалардын бар экенин айтып, ошол эле учурда алардын кооптуулугун баса белгиледи. Депутат Ташполот Балтабаев өкмөт башчыны "сиздин өкмөттүн бир жакшы жери, куру убада берүүлөр кыскарып бара жатат" деп алкоого алды.