Владимир Путин менен жакын мамиледе делген спортчу Алина Кабаеванын аземдеги жүзү көпчүлүктү таң калтырды

Көркөм гимнастика боюнча Олимпиада чемпиону, орусиялык коомдук жана саясий ишмер Алина Кабаева Милан шаарында өткөн Эл аралык спорттук кино федерациясынын жана телевидениенин 39-фестивалында атайын сыйлыкка ээ болду. Бул тууралуу чет элдик спорттук басылмалар жазышты.

Сыйлык тапшыруу аземинен кийин Кабаева сөз сүйлөп, спортто бийиктиктерди багынткан спортчулар үчүн алардын популярдуулугун, тажрыйбасын пайдаланып элди спортко көбүрөөк тартуу милдети турганын баса белгилеген.

Кээ бир интернет колдонуучулар Алина Кабаеванын сырткы келбетинде, тактап айтканда жүзүндө белгилүү бир өзгөрүүлөр бар экенин байкашкан. Алар спортчу өз жашынан кыйла эле жаш көрүнүп калганын белгилешкен.

Эскерте кетсек, Алина Кабаева 2004-жылы көркөм гимнастика боюнча Олимпиада чемпиону болгон. Ошондой эле ал дүйнөнүн тогуз жолку жана Европанын он беш жолку чемпиону.

38 жаштагы Алина Кабаева жеке жашоосун ар дайым сыр кылып келет. Анын өмүрлүк жолдошу ким экендиги тууралуу эч кандай такталган маалымат жок. Бирок Орусиянын президенти Владимир Путин менен жакын мамиледе экендиги тууралуу көптөгөн сөздөр айтылып келет.