Унаасын үйүнө бекитип койгон. Бишкекте жөө жүргүнчүнү сүзүп, качып кеткен айдоочу кармалды

Бишкекте жөө жүргүнчүнү сүзүп, качып кеткен айдоочу кармалды. Бул тууралуу милициянын кайгуул кызматынан билдиришти.

Маалыматка ылайык, 1-ноябрда болжол менен саат 02:00 чамасында белгисиз айдоочу унаасы менен Осмонкул көчөсү менен бара жатып Эстоний көчөсүнүн кесилишинен жөө жүргүнчүнү сүзүп, окуя болгон жерден качып кеткен. Жол кырсыгынын кесепетинен 1970-жылы туулган Н.А. аттуу жаран жабыркап, ооруканага жеткирилген.

Бул факты боюнча милициянын кайгуул кызматынын издөө бөлүмү ыкчам издөө иш-чараларын жүргүзүп, Мазда үлгүсүндөгү унаанын 1962-жылы туулган Ч.С. аттуу айдоочусун кармап, Бишкек ШИИББинин тергөө кызматына өткөрүп беришкен.

Айдоочу унааны үйүнө бекитип, үстүн жаап койгон.