Садыр Жапаров баштаган 5 өлкөнүн президенттери Демократия жана эркиндик аралына барышты (фото)

Өлкө башчы Садыр Жапаров беш өлкөнүн президенттери менен Демократия жана эркиндик аралына барды. Бул тууралуу Казакстандын президентинин басма сөз катчысы Берик Уали социалдык тармактагы баракчасына жазды.

"Касым-Жомарт Токаев Азербайжандын, Кыргыз өлкөсүнүн, Түркиянын, Өзбекстандын, Түркмөнстандын президенттери жана Венгриянын премьер-министри менен бирге Түрк тилдүү мамлекеттердин кызматташтык кеңешинин катчылыгынын жаңы кеңсесинин ачылыш аземине катышты", - деп айтылат билдирүүдө.

Салтанаттын соңунда мамлекет башчылары Түрк кеңешинин VIII саммитине катышуу үчүн Стамбулдун түштүк-чыгышында жайгашкан Демократия жана эркиндик аралына барышкан.